Fəaliyyətlərimiz
"Ailələr bunu bilməlidir ki, uşaq qulağından deyil, gözündən tərbiyə edilir. Eşitdiyini deyil, gördüyünü tətbiq edər". HƏKİMOĞLU İSMAYIL
Ana Dili və Nitq İnkişafı
- uşaqda dinləmə və başadüşmə vərdişləri inkişaf edir;
- uşaq sözləri düzgün tələffüzetmə və danışma bacarığına yiyələnir;
- uşağın söz ehtiyatı zənginləşir;
- uşaq öz fikirlərini ardıcıl, sərbəst, rabitəli şəkildə ifadə etməyi bacarır;
- uşaq danışılanı anlayır.
Savad təlimi
- kəsmə əlifba vasitəsilə lövhədə qısa sözlər düzə bilir;
- sözləri hecalara ayırır;
- cümlələri sözlərə ayırır;
- sözdə səslərin sayını və ardıcıllığını müəyyənləşdirir;
- öz fikrini başqalarına rabitəli şəkildə çatdıra bilir;
- şəkil üzrə müstəqil hekayə qurmağı bacarır;
- sözləri səs tərkibinə görə təhlil edir;
- çap hərfləri ilə sadə sözləri yazmağı bacarır.
Ətraf aləmlə tanışlıq
- uşaq özünün və digər xalqların mədəniyyətinə, ənənələrinə bələd olur və hörmətlə yanaşır;
- uşaq ətrafdakılarla nəzakətlə davranır;
- uşaq yaradıcı sənətdən zövq alır;
- uşaq onu əhatə edən ətraf aləmdəki gözəllikləri görüb zövq almağı, qiymətləndirməyi bacarır;
- uşaq canlıların və təbiətin xüsusiyyətlərini anlayır və təsvir edir;
- uşaq müəyyən etiket qaydalarını öyrənir və onlara riayət edir.
- uşaq ətraf aləmin mühafizəsinə maraq göstərir.
Riyaziyyat
- uşaq analiz və sintez etmək, ümumiləşdirmə aparmaq bacarığına yiyələnir;
- uşaq rəqəmləri tanıyır və saymağı bacarır;
- uşaq tədqiqat aparmaq bacarığını nümayiş etdirir;
- uşaq problemlərin həlli yollarını axtarıb tapır;
- uşaq müşahidə etdiyi hadisələrə əsasən fərziyyələr irəli sürür;
- uşaq zamanı dərk edir və zamana bələdləşmə bacarığına yiyələnir;
- uşaq rastlaşdığı əşya və hadisələrə maraq göstərir, onların mahiyyətini anlamağa çalışır;
- uşaq baş verən hadisələr, əşyalar üzərində diqqətini cəmləşdirir və iradi olaraq onu maraqlandıran cəhəti tədqiq edir;
-uşaq təşəbbüs göstərir və müstəqil qərar qəbul edir;
-uşaqda sadə riyazi təsəvvürlər (say, miqdar, həcm, forma, məkan və zaman anlayışları) inkişaf edir;
-uşaq təbiət hadisələrini dərk edir.
Sənət Fəaliyyəti
- uşaqda kiçik motorika (şəkil çəkir, gil ilə işləməyi və kəsib-yapışdırmağı bacarır) inkişaf edir;
- uşaqda böyük motorika (müxtəlif üsullarla müxtəlif istiqamətlərdə qaçmağı bacarır) inkişaf edir;
- uşaq müxtəlif məsafələrdə və istiqamətlərdə yerləşən əşyaları görür və fərqləndirir;
- uşaq müxtəlif tonda olan səslərə uyğun reaksiya verir və onları fərqləndirir.